Kultura
100-vjetori i pavarësisë në syrin e artistëve të rinj
Janë paraqitur punimet e piktorëve të rinj Arjan Rexhepi e Roland Masurica, të grafistit Jeton Rexhepi dhe të skenografes Hanife Kastrati
Më datën 22 nëntor, në kuadrin e 100-vjetorit të pavarësisë së Shqipërisë, në mjediset e ambasadës së Republikës së Shqipërisë në Bernë u çel ekspozita “100-vjetori i pavarësisë në krijimtarinë e talenteve të reja të arteve figurative”. Çelja e ekspozitës ishte fryt i bashkëpunimit të tri ambasadave: të Shqipërisë, të Kosovës dhe të Maqedonisë.
Në ekspozitë janë paraqitur punimet e piktorëve të rinj Arjan Rexhepi e Roland Masurica, të grafistit Jeton Rexhepi dhe të skenografes Hanife Kastrati, që të katër të ardhur nga Kosova me punimet e tyre për këtë ekspozitë.
Punimet përfshijnë portrete dhe tabllo që kanë në qendër figura madhore të kombit që nga Skenderbeu, Ismail Qemali, Bajram Curri, Adem Jashari e të tjerë, me anë të të cilave përcillet kumti i përpjekjeve të parreshtura për Liri. Ekspozitën e plotësojnë tabllotë me ngjyra të gëzueshme, që duan t’u kujtojnë shikuesve se shqiptarët e fituan luftën, tashti po fitojnë edhe paqen.
Një vend të dukshëm zënë punimet e veshjeve kombëtare të artistes së re Hanife Kastrati. Bashkë me portretin e Nënës Terezë, me anën e tyre nënviziohet pasuria e vlerave tona kombëtare të ruajtura e të zhvilluara gjatë qindvjeçarëve: në plan njerëzor (të mishëruara në shkallën më të lartë te Nëna Terezë), artistik, kulturor etj.Në çelje të ekspozitës u organizua një ceremoni, ku morën pjesë mësues e prind të mësimit plotësues të shkollës shqipe “Naim Frashëri” (LAPSH), artistë, veprimtarë, miq.
Përshëndetën ambasadori i RK Naim Malaj, ambasadori i RSH Mehmet Elezi, këshilltari në ambasadën e Republikës së Maqedonisë Ekrem Hebibi. Në emër të artistëve të rinj të ardhur prej Kosove përshëndeti piktori Arjan Rexhepi.
Përveç vizitave individuale, ekspozita do të vizitohet në mënyrë të organizuar nga grupe me nxënës e mësues të mësimit plotësues të gjuhës shqipe. Synohet që nëpërmjet veprave të artit, fëmijët dhe të rinjtë të mësojnë edhe për historinë dhe vlerat kombëtare të shqiptarëve.
Gjatë një kokteili të thjeshtë në mbyllje të veprimtarisë pjesëmarrësit shkëmbyen mendime për artin, historinë, çështjet e integrimit në shoqërinë zvicerane dhe të ruajtjes së gjuhës shqipe e të vlerave kombëtare.
Ekspozita do të qëndrojë hapur pasditeve deri me datën 28 Nëntor nga ora 14.00 deri në oren 19.00 (vetëm ditën e diel deri në orën 18.00).
E-Diaspora
-
Sot fillon në Cyrih Festivali i Filmit “Kino Kosova” Platforma albinfo.ch është partnere mediale e festivalit dhe ajo do të ju mbajë të informuar mbi...
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Gjeneva
Festivali Ndërkombëtar i Filmit në Gjenevë për 4 vjet me radhë sjell fima shqiptarë
Jeta në Zvicër
-
OECD: Aktiviteti i ngadaltë ekonomik ngadalëson rritjen në Zvicër Aktiviteti i ngadaltë ekonomik po rëndon rritjen, me Produktin e Brendshëm Bruto (PBB) të Zvicrës që...
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale
-
Qeveria zvicerane do të përdorë të dhënat e telefonit për të identifikuar azilkërkuesit
-
Fillon Programi kundër ngacmimit në Gjenevë