Maqedonia
13 ditë nga aksidenti, ende nuk dihen shkaqet
Kaluan 13 ditë nga aksidentit tragjik në autostradën Shkup-Tetovë, pa epilog për shkaqet që shpien deri te rrokullisja e autobusit të “Durmo Turs”.
Nga Fakulteti i Makinerisë ku është bërë ekspertiza e autobusit të aksidentuar thonë se raportin e tyre do ta ndajnë vetëm me Prokurorinë, raporton “alsat”.
Edhe Byroja për mjekësi ligjore thotë se nuk do të kumtojnë asgjë pa e parë vendimin e prokurorisë. Nga Prokuroria Publike thonë se po i kryqëzojnë raportet e marra nga të gjitha institucionet e përfshira në hetim dhe se po vazhdojnë me dëgjimin e dëshmitarëve okularë, por edhe udhëtarëve të asaj dite, përcjell albinfo.ch.
Ndërkaq ministri i Brendshëm i Maqedonisë së Veriut, Oliver Spasovski, thotë se në një afat të shkurtër kohor do të zbardhen arsyet e aksidentit.
“Në përditshmëri u përgjigjemi kërkesave. Janë shpërndarë edhe hetues, të cilët punojnë me Prokurorinë Publike që nga momenti i aksidentit. Unë pres që së shpejti do të dalin me të dhëna dhe informata në lidhje me rastin”, theksoi Oliver Spasovski, ministër i Punëve të Brendshme.
Në gjendje të rëndë shëndetësore mbetet vetëm një nga udhëtarët e aksidentuar, i cili ka lëndime në tru dhe mushkëri të bardha dhe po mbijeton me ndihmën e frymëmarrjes artificiale. Gjendja e shtatë pacientëve të tjerë është stabilizuar dhe shkon kah përmirësimi. Aksidenti tragjik i autobusit ndodhi më 13 shkurt, në fshatin Llaskarcë. 16 persona humbën jetën, ndërsa dhjetëra të tjerë u lënduan.
Të ngjashme
Të tjera nga Maqedonia
E-Diaspora
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Shkëlqimi shqiptar dhe eleganca e kohëve të shkuara në ekspozitën e Kristian Zefit
-
Festivali në Wiesbaden të Gjermanisë, në fokus filmat nga Shqipëria dhe Kosova
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
Jeta në Zvicër
-
Në 50 vjetët e fundit të Albanifest, për herë të parë ansambli “Vatra” përfaqëson kulturën dhe traditën shqiptare Hap i Madh për Kulturën Shqiptare në Zvicër...
-
Bazel: Plan i ri për banim të përballueshëm
-
Bie numri i sulmeve në bankomatë
-
Cyrihu po teston airbag-ët për tramvaj
-
Rritet vjedhja e biçikletave elektrike në Zvicër