Lajme
14.000 të huaj në Vjenë morën shtetësi austriake brenda një viti
Numri i të huajve, të cilët marrin shtetësi austriake po shtohet nga viti në vit
Në vitin 2022, rreth 21,000 të huaj në gjithë Austrinë u pajisen me shtetësi austriake. Pothuajse 70 për qind e tyre u miratuan nga Magistrati 35 në Vjenë. Këto shifra u publikuan nga Statistik Austria, raporton albinfo.at.
“Më vjen mirë që gjithnjë e më shumë persona nga vende të ndryshme të botës që tani jetojnë në Vjenë po aplikojnë dhe marrin shtetësinë austriake”, tha nënkryetari i Bashkisë dhe këshilltari i qytetit për Integrim, Christoph Wiederkehr.
Gjithsej në gjithë Austrinë me shtetësi austriake u pajisen 20.606 persona, ndërkohë 14.167 prej tyre vetëm në Vjenë.
Departamenti i Emigracionit dhe Shtetësisë i njohur si (MA 35) krahasuar me vitin 2021, gjatë vitit 2022 ka arritur të trefishojë numrin e dhënies së shtetësisë.
“Rritja e konsiderueshme e numrit të aplikacioneve të përpunuara tregon gjithashtu se procedurat në MA 35 trajtohen në mënyrë më efikase dhe profesionale,” thotë Wiederkehr, transmeton albinfo.at, teksa shton. “Përpjekjet shtesë me të cilat përballet Vjena në krahasim me të gjitha shtetet e tjera federale janë veçanërisht të dukshme kur ka një kërkesë mbi mesataren për rezervimin e takimeve”. Objektivi është rritja e kapacitetit të administratës me 50 për qind deri në vjeshtën e vitit 2023 për të shkurtuar kohën e pritjes. Aktualisht, klientët ende shpesh presin më shumë se një vit për një takim.
Një pjesë e madhe e shtetësisë për vitin e kaluar është dhënë për pasardhësit e viktimave të nacionalsocializmit. Gjithsej janë natyralizuar 9696 persona, që është 47.1 për qind e të gjitha natyralizimeve në Austri. Shumica e këtyre aplikimeve ishin nga qytetarët e Izraelit, SHBA-së dhe Britanisë së Madhe.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën