Lajme
Shtetësia, migracioni i paligjshëm, punëtorët e kualifikuar, planet e qeverisë së re gjermane për të huajt?

Formimi i qeverisë së re në Gjermani, mes Unionit (CDU/CSU) dhe SPD-së, ka sjellë zhvillime të rëndësishme për qytetarët e huaj në vend. Një nga zotimet më të rëndësishme është ruajtja e ligjit për shtetësinë e dyfishtë, i cili hyri në fuqi në qershor 2024 dhe u konsiderua një nga arritjet kryesore të koalicionit të mëparshëm “semafor”.
Ky qëndrim përfaqëson një kompromis të madh nga CDU dhe CSU, të cilat gjatë fushatës kishin premtuar anulimin e këtij ligji. Pranimi për ta lënë atë në fuqi shihet si një hap i rëndësishëm në negociatat me SPD-në dhe një sinjal se Unioni është i gatshëm për lëshime serioze në formimin e qeverisë, përcjell albinfo.ch.
Megjithatë, qeveria e re ka paralajmëruar se do t’i japë fund rrugës së përshpejtuar trevjeçare për natyralizim për të huajt “të integruar në mënyrë të jashtëzakonshme”, duke e rikthyer afatin standard pesëvjeçar si të vetmin opsion për shtetësi.
Për fëmijët me prejardhje migrimi, qeveria planifikon të prezantojë teste gjuhësore mbarëkombëtare për fëmijët katërvjeçarë, për të vlerësuar aftësitë e tyre në të folur, lexim dhe dëgjim, në përputhje me moshën, shkruan The Local.
Në përpjekje për të ndihmuar emigrantët e kualifikuar të hyjnë më lehtë në tregun gjerman të punës, është paralajmëruar krijimi i një “Agjencie Pune dhe Qëndrimi”, që do të ndihmojë në procesin e integrimit profesional dhe ligjor.
Por, krahas këtyre masave lehtësuese, qeveria e re paralajmëron një qasje shumë më të ashpër ndaj migracionit “të parregullt”. Sipas qëndrimit të Unionit, do t’i jepet fund bashkimit familjar për ata që kanë mbrojtje të përkohshme, do të ndalohet hyrja e azilkërkuesve në kufi dhe do të nisë një “ofensivë deportimi” për personat pa të drejtë qëndrimi, përcjell albinfo.ch.
Po ashtu, është përmendur mundësia e heqjes së shtetësisë gjermane për shtetasit e dyfishtë që mbështesin ide “ekstremiste apo antisemitike”, por mbetet e paqartë si do të zbatohet kjo masë dhe nëse është e ligjshme sipas Kushtetutës gjermane.
E-Diaspora
-
Promovohet libri kushtuar veprimtarit Rafi Halili “Disa letra në dorëshkrim nga RAFI Halili” mban titullin libri i radhës i Agim Sylejmanit, kushtuar...
-
Mira Murati me hapin e radhës në krijimin e “Thinking Machines Lab”
-
Njihuni me familjen që la Zvicrën për të jetuar në Kosovë
-
Erdhi për pushime nga Austria, humb jetën i riu shqiptar në një aksident
-
Kur e qeshura bëhet atdhe – “Luli & Goni Lemes”, me premierë në Zvicër
Jeta në Zvicër
-
Zvicra importon 70% të energjisë elektrike Duke filluar nga e shtuna e ardhshme, Zvicra do të kalojë në një periudhë të mbështetjes...
-
Relaksimi, jeta e shëndetshme, këto janë qytetet më të mira, përshirë edhe Cyrihun
-
Aargau: Qeveria aprovon iniciativën për leje para se të vendosen kamerat fikse të shpejtësisë
-
160 rekrutë të Ushtrisë Zvicerane u bllokuan në kamp për shkak të borës
-
Situata në Valais pas reshjeve të borës, disa rrugë vazhdojnë të jenë të mbyllura