Me 2 orë sport në javë, 5 herë më pak të sulmuar nga sëmundjet e zemrës

Studimi i përmendur ka përcjellë përgjatë 25 viteve 500 banorë të qytetit Bad Schönborn, duke i ndarë në dy grupe: grupin e atyre që merren rregullisht me sport dhe grupin që nuk e bën këtë

Shkencëtarët nga Universiteti i Karlsruhe-s, Gjermani, përmes një studimi të tyre që ka zgjatur 25 vjet kanë ardhur në një përfundim shumë interesant. Sipas tyre, njeriut i mjaftojnë vetëm dy orë në javë marrje me sport, që të “përtëritet” për dhjetë vjet, shkran rp-online.de. Respektivisht, njerëzit aktivë në sport, nga ana motorike janë 10 vjet më të rinj se ata që parapëlqejnë të rrijnë ulur e të shikojnë televizor, transmeton albinfo.ch.

Studimi i përmendur ka përcjellë përgjatë 25 viteve 500 banorë të qytetit Bad Schönborn, duke i ndarë në dy grupe: grupin e atyre që merren rregullisht me sport dhe grupin që nuk e bën këtë.

“Ajo që më ka befasuar shumë është se, duke filluar nga dy orë sport në javë, ulet rreziku për sistemin e metabolizmit. Pra vlerat si mbipesha, tensioni i lartë i gjakut dhe yndyra në gjak, të gjitha këto kanë shënuar një ulje të pesëfishtë!”, ka thënë njëri nga udhëheqësit e studimit, përcjell albinfo.ch. Me fjalë më popullore: ata që i kushtojnë sportit dy orë në javë, janë pesë herë më pak të rrezikuar nga sëmundjet kardiovaskulare, gjegjësisht të zemrës dhe të arkullimit të gjakut.

Pjesëmarrësit e shfrytëzuar për studimin në fjalë kanë qenë qenë të moshave 35 deri 80 vjeçare. Në studim nuk është vlerësuar edhe ndikimi i shprehive të ushqimit, pasi që ai dilte jashtë përcaktimit të studiuesve.