Shqiptarët që ndajnë drejtësinë në Zvicër

2 shqiptarë do të vendosin drejtësinë në Zvicër

Të premten është mbajtur ceremonia e diplomimit në Fakultetin e Drejtësisë të Universitetit të Lucernit.

86 studentë kanë marrë diplomë masteri dhe 41 të diplomuar kanë marrë diplomë bachelor. Për më tepër, këtij Fakulteti i janë shtuar edhe shtatë tituj doktorë.

Në listën e të diplomuarve figurojnë edhe 2 emra shqiptarë. Ata janë Arlind Dushica dhe Vigan Biqkaj, shkruan albinfo.ch.

Arlind Dushica është i lindur në Zvicër. 26-vjeçari i diplomuar në master vjen nga Gjilani.

“Jam i prirë që drejtësia të mbizotërojë në jetë”, thotë për albinfo.ch Dushinca, i cili është i specializuar në të Drejtën Penale, Strafrecht, i cili ka prejardhje nga një familjeje juristësh nga Kosova.

Edhe Vigan Biqkaj vjen nga Hogoshti i Gjilanit. Ai thotë se është i fokusuar t’i mbrojë të drejtat civile.

“Më pëlqejnë të gjitha drejtimet që kanë të bëjnë me padrejtësitë që u bëhen njerëzve”, thotë pas diplomimit për albinfo.ch Biqkaj.

Familjarët e pranishëm janë shprehur krenarë që në mesin e të diplomuarve ka edhe shqiptarë që do të ndajnë tash e tutje drejtësinë në Zvicër.

“Kurrë nuk jam ndier më mirë kur janë përmendur edhe dy emra shqiptarë, deri sa shumica e prindërve ishin biznesmenë, politikanë të njohur të Parlamentit të Zvicrës, në mesin e tyre ishin edhe këta dy djem nga Kosova”, tha aktori Florin Brajshori, që ishte i pranishëm në ceremoninë e diplomimit.

Vigani jeton në Luzern dhe do të vazhdojë të punojë në Gjykatën e Luzernit si avokat, ndërsa Arlindi si prokuror në Thurgau, kuptohet pas diplomimit u duhet 1 vit praktikë për të marrë licencën e avokatit dhe të prokurorit.