22 milionë vende pune të humbura, shkaku i pandemisë

Foto ilustrim: Alex Kotliarskyi

Rreth 22 milionë vende pune janë mbyllur për shkak të pandemisë COVID-19, kështu ka deklaruar Organizata për Zhvillim dhe Bashkëpunim Ekonomik (OECD).

OECD në raportin vjetor rreth parashikimeve për punësim, gjithashtu, citohet se programet qeveritare për punësim, të zbatuara gjatë krizës së pandemisë, kanë ruajtur rreth 21 milionë vende pune.

“Megjithatë kombet e pasura përballen me kërcënimin nga rritja afatgjate e shkallës së papunësisë, sepse shumë punëtorë të pakualifikuar, të cilët ishin shpërngulur për shkak të pandemisë, nuk po arrijnë të gjejnë punësim të ri. Shumë vende pune të humbura gjatë krizës së pandemisë nuk do të rimëkëmben”, theksoi OECD.