32 milionë franga “ndihmë të koronës” për punëtorët kulturorë

Shoqata mbështetëse e fondit social për punonjësit profesionistë të kulturës jep ndihmën emergjente në emër të qeverisë federale

Suisseculture Sociale, organizata ombrellë e shoqatave të punëtorëve profesionistë të kulturës në Zvicër, ka paguar rreth 32 milionë CHF në kontribute në mbështetje lidhur me koronën për punëtorët e kulturës që nga prilli 2020, transmeton albinfo.ch. Kjo është bërë pasi ka shqyrtuar 10,819 aplikime nga më shumë se 3,000 njerëz.

Këto fonde mbështetëse ishin me rëndësi qendrore për punonjësit profesionistë të kulturës për të qenë në gjendje të kapërcenin situatën emergjente, të shkaktuar pa fajin e tyre, shkruan Suisseculture Sociale në një deklaratë të saj.

Shoqata mbështetëse e fondit social për punonjësit profesionistë të kulturës jep ndihmën emergjente në emër të qeverisë federale bazuar në urdhëresën e kulturës lidhur me Covid 19, shkruan srf.ch.

Megjithatë, është për të ardhur keq që nuk ka qenë e mundur në të gjitha rastet që t’u mundësohet punonjësve të kulturës të rifillojnë aktivitetet e tyre artistike përpara përfundimit të ndihmës urgjente, shkruan më tej organizata.

Suisseculture Sociale supozon se rreth 600 njerëz ose familje që aktualisht po marrin ende ndihmë urgjente për Covid-19 do të fillojnë të varen nga ndihma sociale që nga fillimi i vitit 2023.

Organizata do të pranojë kërkesat për ndihmë urgjente deri në fund të nëntorit.

Siç kishte njoftuar Këshilli Federal në fund të vitit të kaluar, Urdhëresa e Kulturës Covid-19 do të zbatohet deri në fund të këtij viti.

Suisseculture Sociale ka një fond social privat që mund të mbështesë punonjësit e kulturës në vështirësi akute financiare.

---