32 vjeçari shqiptar në Itali humb jetën nga një aksident tragjik

pixabay

Raportohet se një aksident i rëndë ka ndodhur në zonën Selva Piana të provincës së Teramos mbrëmjen e së premtes (5 janar). Për pasojë ka ndërruar jetë 32 vjeçari shqiptar Eduart Hoxha, baba i 2 fëmijëve, përcjell albinfo.ch.

Referuar mediave italiane, të cilat kanë publikuar identitetin dhe foton e viktimës, i riu shqiptar sapo kishte mbaruar turnin e punës në kompaninë e objekteve sportive “Delfino Sport”.

Pasi u fut në makinën e tij ‘Fiat Punto’ në tentativë për t’u futur në rrugën kryesore, është përplasur nga një automjet tip ‘Audi A3’ që drejtohej nga një 25 vjeçar.

Shqiptari u dërgua me urgjencë në spital por për shkak të plagëve të rënda të marra nga përplasja e fortë, nuk mundi të mbijetonte.