35 vjeçari i pranuar në universitet nuk mori leje qëndrimi: I moshuar për të qenë student

Gjykata tha se refuzimi i lejes në këtë rast shkel Kushtetutën Zvicerane, e cila ndalon çdo diskriminim të lidhur me moshën

Ishte i pranuar nga Universiteti i Fribourg-ut për studime master në Teologji, një 35 vjeçar Togolez, por nuk mori një leje qëndrimi me arsyetimin se ai ishte shumë i moshuar për të qenë student, transmeton albinfo.ch.

Autoritetet e Fribourg-ut e bazuan refuzimin e tyre në direktivën nga Sekretariati Shtetëror për Migracionin (SEM), i cili thotë se studentët e huaj mbi moshën 30 vjeç tregojnë më shumë prirje të qëndrojnë në Zvicër pas përfundimit të studimeve  të tyre.

Togolezi apeloi në Gjykatën Federale, autoriteti më i lartë gjyqësor i Zvicrës, e cila vendosi në favor të tij.

Gjykata tha se refuzimi i lejes në këtë rast shkel Kushtetutën Zvicerane, e cila ndalon çdo diskriminim të lidhur me moshën. Prandaj, autoritetet do të duhet të përdorin kritere të tjera për dhënien ose refuzimin e një leje, siç është nëse burri i plotëson të gjitha kushtet për të studiuar në Zvicër. /Albinfo.ch.

---