Lajme
36 raste të reja në gjithë Zvicrën, asnjë i vetëm në vatrën e krizës, në Tiçino!
Përveç që nuk ka regjistruar asnjë vdekje, ky kanton, gjatë ditës së kaluar nuk ka raportuar as edhe një rast të ri infektimi
Gjatë 24 orëve të fundit, në Zvicër dhe Lihtenshtajn janë raportuar 36 infeksione të reja me koronavirus. Pak më pak se një ditë më parë, kur ishin 39 raste ndërsa të dielën ishin raportuar 54 raste infeksioni, shkruan sda.ch.
E veçanta e këtyre 24 orëve të fundit ka të bëjë me Kantonin e Ticinos, transmeton albinfo.ch. Përveç që nuk ka regjistruar asnjë vdekje – kjo gjë kishte ndodhur edhe një ditë më parë – ky kanton, që ka qenë vatra e virusit në Zvicër, gjatë ditës së kaluar nuk ka raportuar as edhe një rast të ri infektimi.
Sipas BAG, deri më tani ka pasur gjithsej 30.380 raste infeksioni me koronavirus, të konfirmuara nga laboratori ose gjithsej 354 infeksione në 100,000 banorë.
Numri i vdekjeve të lidhura me sëmundjen e mushkërive Covid-19 në gjithë Zvicrën sipas agjensisë së lajmeve Keystone-SDA të martën ka qenë 1846, përcjell albinfo.ch. Siç dihet, Keystone-SDA analizon të dhënat zyrtare të disponueshme nga faqet e internetit të kantoneve dhe i përditëson ato dy herë në ditë, në mesditë dhe në mbrëmje.
Ndërkaq, sipas BAG, numri i të vdekurve nga covid-19 ka arritur në 1,561. Kjo korrespondon me 18 vdekje për 100,000 banorë.
Shkalla e infeksionit ose numri i riprodhimeve ka rënë vazhdimisht nën 1 që nga 22 marsi, sipas Task Force federale shkencore Covid-19. Kjo do të thotë që një person i infektuar mund të infektojë më pak se një person tjetër, përcjell albinfo.ch. Sipas shifrave të fundit të disponueshme në faqen e internetit të Grupit të Punës, numri i riprodhimeve (i mundësisë së një personi për të infektiar të tjerët) më 1 maj ishte 0.7.
E-Diaspora
-
Iu gjet drogë në shtëpi, arrestohet shqiptari në këtë shtet Raportohet se një 48-vjeçar shqiptar është arrestuar nga policia italiane për drogë, përcjell albinfo.ch. Sipas mediave...
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane