Bota

Kapen 41 migrantë në një kamion frigorifer, në Greqi

Policia greke gjeti 41 migrantë të fshehur në një kamion frigorifer, në autostradën në veri të Greqisë, thanë zyrtarët e policisë.

Migrantët, shumica e tyre afganë, nuk kanë pësuar lëndime gjatë këtij lloji të transportit, tha një nga zyrtarët, duke shtuar se sistemi i ftohjes nuk ishte i ndezur.

Policia ndaloi kamionin për një kontroll të rregullt, në një autostradë afër qytetit verior grek Xanthi.

Pas zbulimit të migrantëve brenda kamionit, policia arrestoi shoferin dhe migrantët u dërguan për identifikim në një stacion të policisë.

Shumica e migrantëve që arrijnë në Greqi largohen nga luftërat në Siri, Irak dhe gjetkë.

Autoritetet greke po përpiqen të përballojnë një rritje të mprehtë të numrit të migrantëve në ishujt e saj lindorë.

Kampet e financuara nga BE-ja në Greqi janë të mbipopulluara dhe në shumë raste janë shënuar incidente të dhunshme dhe viktima.