Bota
6 të vdekur pas panikut në një koncert për të rinj
Në disko ndërkohë është sekuestruar një pajisje që mbante gaz lotsjellës, por nuk dihet nëse është ajo që është përdorur kur u shkaktua paniku
Pesë të rinj të grupmoshës nga 14 në 16 vjeç, si dhe një nënë që shoqëronte të bijën, janë viktimat e një panikut që mbërtheu frekuentuesit e një diskoteke në Ankona të Italisë, duke bërë që të kërkonin arratinë duke shkelur mbi njëri-tjetrin.
Shkak i panikut gjatë një koncerti të reperit Sfera Ebbasta duket se është bërë përdorimi i një gazi lotsjellës.
Mes të plagosurve, shtatë janë shtruar në spital në gjendje kritike për jetën, madje raportohet të jenë në koma të induktuar, transmeton TCH.
Viktimat janë identifikuar si Asia Nasoni, 14 vjeç, dhe Daniele Pongetti, 16 vjeç, që të dy nga Senigallia; Benedetta Vitali, 15 vjeç nga Fano; Mattia Orlandi, 15 vjeç nga Frontone; Emma Fabini 14-vjeçare dhe Eleonora Girolimini, 39 vjeç, nënë e 4 fëmijëve nga Senigallia, mes të cilëve edhe 11-vjeçarja që shoqëronte por që fatmirësisht ka shpëtuar, përcjell albinfo.ch.
Të lënduarit janë transportuar me urgjencë në spitalet rajonale, Torrete, Senigallia dhe Jesi, me ata në gjendje më të rëndë në të parin. Hetuesit kanë nisur ndërkohë të vlerësojnë provat, qoftë për të përcaktuar më saktë dinamikën e tragjedisë, që të risjell në kujtesë ngjarjen e ndodhur në sheshin “San Carlo” të Torinos, qoftë edhe dyshimet mbi hipotezën se në mjedisin në fjalë ndodheshin më shumë persona nga sa mund të lejohej.
Po hetohet gjithashtu edhe dëshmia e një të pranishmi që ka thënë se dalja e emergjencës nuk funksiononte. Mes të lënduarve, teksa flitet për rreth 60 persona deri tani, 7 janë më të dëmtuarit që kanë përfunduar në spitalin e Ankonës. Bëhet fjalë për dy vajza dhe 5 djem, që të gjithë mes 14-20 vjeç. Disa prej tyre janë shtruar për shkak të traumave në kokë, për të cilët mjekët thonë se janë në gjendje “rreziku për jetën, por në gjendje të qëndrueshme”, e jo në përkeqësim.
Në disko ndërkohë është sekuestruar një pajisje që mbante gaz lotsjellës, por nuk dihet nëse është ajo që është përdorur kur u shkaktua paniku. Por hetimet nuk po ndihmohen nga telekamerat e munguara, qoftë në mjediset e brendshme, ashtu edhe jashtë lokalit të natës.
Dëshmitarë të incidentit thonë se gjithçka ka nisur pas një grindjeje mes të rinjve, e tregon edhe një video ku shihet një djalë që përdor sprajin në fjalë, ndaj një tjetër djali që ishte në sallë me të cilin mund të ketë debatuar. Bashkëshorti i gruas së vdekur thotë se nuk ka fjalë ta përshkruajë dhimbjen, me Eleonorën që ka lënë pas 4 fëmijë, ndërsa pretendon se salla ishte e tejmbushur me adoleshentë të dehur.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane