84% më pak pasagjerë në aeroportin e Gjenevës

Normalisht aeroporti i Gjenevës është mbingarkuar me pasagjerë gjatë periudhës së Krishtlindjes. Këtë vit kishte 84% më pak pasagjerë se vitin e kaluar, sipas RTS

Midis 23 dhe 27 Dhjetor 2020, kishte rreth 47,000 pasagjerë, nga 300,000 që kaluan nëpër aeroport gjatë së njëjtës periudhë në 2019.

Numri më i madh i udhëtarëve zakonisht nisen për në Portugali, pasuar nga Franca, Spanja, Italia, Emiratet e Bashkuara Arabe dhe Holanda. Rrjedha në drejtim të kundërt është e ngjashme, përcjell albinfo.ch.

Edhe në aeroportin e Cyrihut numrat e pasagjerëve ranë ndjeshëm. Për periudhën nga 17 deri më 26 dhjetor 2020, numri i pasagjerëve ka rënë 80% krahasuar me një vit më parë.

Më 10 dhjetor 2020, aeroporti i Gjenevës njoftoi se pret të bëjë një humbje prej 130 milionë CHF në vitin 2020, pavarësisht ndërmarrjes së masave për uljen e kostos.

---