Norvegjia, vendi më i mirë për të jetuar

Gjetjet e raportit për zhvillimin njerëzor të Kombeve të Bashkuara për vitin 2015 tregojnë se vendi më i mirë për të jetuar është Norvegjia, pastaj vjen Australia, Zvicra, Danimarka, Holanda, Gjermania, Irlanda, SHBA, Kanada dhe Zelanda e Re, përcjell albinfo.ch.

Në mesin e 20 vendeve figurojnë  edhe Singapori, Hong Kongu, Lihtenshtajni, Suedia, Britania e Madhe, Islanda, Koreja e Jugut, Izraeli, Luksemburgu dhe Japonia.

Sipas raportit të OKB-së, në mesin 20 vendet më të mira për të jetuar, 11 prej tyre janë në Evropë dhe 4 në Azi.

Ndër vendet e rajonit vendi më i mirë për të jetuar është Sllovenia, në vendin e 25-të. Pas  Sllovenisë vjen Kroacia, e cila është bë vendin e 47-tën.

Maqedonia renditet në vendin e 81-të dhe në vendin e 85, të fundit në rajon janë Shqipëria dhe Bosnja dhe Hercegovina.,

Nga ana tjetër, vendet më të këqija në botë për të jetua janë Nigeria, Republika Qendrore Afrikane, Eritrea, Çadi, Burundi, Burkina Faso, Guinea, Sierra Leone, Mozambik dhe Mali. Këto vende janë klasifikuar si vendet me zhvillim të ulët njerëzor.

Rezultatet e raportit janë llogaritur bazuar në faktorë të tillë si varfëria, arsimimi, jetëgjatësia dhe faktorë të tjerë.