Landi i Saksonisë kthen edhe 32 azilkërkues në Ballkan

Landi gjerman Sachsen-Anhalt ka dëbuar sot 32 azikërkues kosovarë dhe boshnjakë me aeroplan në vendet e tyre. Fjala është për personat me vendim të plotfuqishëm për braktisjen e vendit.

Në mesditën e sotme është nisur një aeroplan çarter nga aeroporti Leipzig-Halle me destinacion Sarajevën dhe Prishtinën. Ministri i brendshëm Stahlknecht me këtë rast ka thënë se «ky dëbim i shtatë i organizuar me aeroplan brenda gjashtë muajve të fundit tregon se ne mbetemi konsekuentë në dëbim».

Nga rreth 40 mijë azilkërkues që gjatë vitit të kaluar kanë kërkuar azil në këtë land, rreth 1000 kanë qenë nga Kosova dhe rreth 300 nga Bosnja.