Flora Suldashi vesh finalistet e “Miss Gjermania 2016”

Kreatores shqiptare Flora Suldashit iu është besuar edhe këtë vit që të dizajnojë bikinet dhe fustanet e plazhit të cilat do të prezantohen në natën finale të spektaklit “Miss Germania 2016”, e cila do të mbahet më 20 shkurt në Europark në Gjermani.

Kreatorja Suldashi këtë kreacion e ka quajtur “Në shpirtin e kohës – rebel stil”. Ndryshe nga viti i kaluar ku në dizajnët e zonjës Suldashi kanë dominuar ngjyra e kuqe, këtë vit do të dominoj ngjyra e zezë, njofton “albinfo.ch”.

Kreatorja Suldashi  ka prezantuar koleksionin e saj më të ri të gjatë verës së vitit të kaluar në Berlin.

Të gjitha finalistet e “Miss Gjermania 2015” kanë reklamuar kreacionet e saj, duke përfshirë edhe vet “Miss Gjermania 2015”, Olga Hoffman.