Boksieri shqiptar përdor grushtin edhe në familje

Boksieri profesionist Besar Nimani tashmë nuk përdor boksin vetëm në ring por edhe në familje. Ish kampioni evropian në versionin IBF, të kategorisë gjysmë të mesme, pas një zënke me bashkëshorten e tij,  ka humbur durimin, me ç’rast ka përdorur dhunë ndaj saj, shkruajnë mediet gjermane.

30 vjeçari nga Mitrovica, njoftohet se e ka goditur me grusht në fytyrë bashkëshorten e tij, 21 vjeçare, duke i shkaktuar lëndime të lehta. Pas gjithë kësaj ngjarje, ai është arrestuar nga policia gjermane dhe kundër tij ka nisur hetimi për dhunë në familje.

Për arrestimin e tij, policia kishte angazhuar forca të shtuara. Fqinjtë e boksierit tregojnë për mediet vendore se kanë parë  “skena si nga filmat”.