BE: 10 milionë për Maqedoninë për menaxhim të krizës me refugjatë

AP Photo

Brukseli ndau një program shtesë, në vlerë prej dhjetë milionë eurosh për ta ndihmuar Maqedoninë që t’i përmirësojë sistemet e saj sa i përket menaxhimit kufitar, si dhe menaxhimit të krizës me refugjatë.

Organizatat humanitare që po veprojnë në qendrat pranuese të emigrantëve në Maqedoni kanë kërkuar që mjetet që Bashkimi Evropian i ka ndarë Maqedonisë në ballafaqimin me refugjatët, të destinohen në përmirësimin e kushteve në këto qendra.

Në Maqedoni gjatë 24 orëve të fundit kanë hyrë vetëm 543 emigrantë. Organizatat humanitare që veprojnë në Gjevgjeli theksojnë se fluksi i ulët i emigrantëve ka të bëjë me lëvizjen e kontrolluar, si dhe me masat e reja për regjistrimin e emigrantëve nga viset e prekura nga lufta në Lindjen e Mesme, përkatësisht nga Siria, Iraku dhe Afganistani.