Vdes ish kandidati për Qeverinë federale nga SVP

Ka vdekur sot në moshën 64 vjeçare ish deputeti nacional nga SVP/UDC, Bruno Zuppiger. Politikani nga kantoni i Cyrihut qe bërë i njohur me kandidimin që kishte bërë në vitin 2011 për t`u zgjedhur në Qeverinë Federale të Zvicrës.

Por pak pas kandidimit, SVP e kishte tërhequr atë nga gara. Kjo kishte ndodhur pas zbulimit nga mediet të një parregullsie të bërë me rastin e administrimit të një trashëgimie të një punëtoreje nga firma private e Zuppiger-it, shkruan srf.ch. Për pasojë ish deputeti ishte dënuar me një dënim me kusht prej 13 muajsh burg dhe me një xhobë prej 1500 rangash.

Zuppiger ka qenë për 13 vjet deputet nacional. Ai ka qenë edhe kryetar i Federatës së Tregtarëve.