Shoqata e Mësuesve “Naim Frashëri“ shënon festat kombëtare

Me pjesëmarrjen e tyre e nderuan kremten Arten Hanku, sekretar nga Ambasada e Shqipërisë dhe Imer Lladrovci, konsull në Ambasadën e Republika e Kosovës

Shoqata e Mësuesve Shqiptarë “Naim Frashëri” në Austri shënoi festat 17-Shkurti- Dita e Pavarësisë së Kosovës dhe 7 Marsi-Dita e Mësuesit. Me pjesëmarrjen e tyre e nderuan kremten Arten Hanku, sekretar nga Ambasada e Shqipërisë dhe Imer Lladrovci, konsull në Ambasadën e Republika e Kosovë.

Programi u hap me këndimin e himnit kombëtar e të Kosovës nga kori i nxënësve. Programi u përgatit nga mësueset/it Ibrahim Hasanaj, Miradije Berisha, Osman Ademi e Hazir Mehmeti, të ndihmuar nga prindër e veprimtarë.
Në fjalën e tij të përsshëndetjes, Arten Hanku në emrin e Ambasadës Shqiptare veç tjerash tha: “Pavarësia e Kosovës është realizimi i ëndrrave shekullore shqiptare që nga pushtimi turk. Pas Vlorës erdhi fillimi i këtij shekulli me pavarësimin e Kosovës, një fryt madhor i sakrificave të dëshmorëve dhe mbështetjes së aleatëve tanë si Shtetet e Bashkuara të Amerikës dhe vendet tjera perëndimore. Pavarësi, për çka jemi krenar dhe që duhet ta ruajmë”.
Ndërsa konsulli i Kosovës, Imer Lladrovci u shpreh se ” 17 Shkurti – Dita e Pavarësisë së Kosovës është datë shumë me rëndësi kombëtare, datë e realizimit të idealeve të dëshmorëve, e idealeve të Rilindësve tanë. Rruga e jonë deri këtu ishte e vështirë, por u arrit falë gjakun të ushtarëve të Ushtrisë Çlirimtare e Kosovës me Komandantin Legjendar të saj Ademi Jashari… Ruajtja e gjuhës e traditave shqiptare është detyrë mbi detyrat kombëtare. Ju përgëzoj për organizimin dhe punën e juaj”.
Progami artistik ishte i pasur me skenë, valle, recitime. Në hapjen e pjesës artistike kori i nxënësve këndoi këngën korale “Mëmëdheu” e pastaj grupi i vajzave: Fjolla, Blerina, Klatrina, Fiona, Reanta, Djellza luajtën vallet Vallja e Rugovës dhe Vallja e Bariut. Vargu i recituesve me vjershat e tyre kushtuar vendlindjes, Lirisë, 17 Shkurtit,7 Marsit, dëshmorëve, Komandantit Legjendar- Adem Jashari, ishte i gjatë.

Nxënësja nga Tullni, Fiona Kabashi, luajti “Baresha” në ´Violinë, kurs nxënësi Alban Spahiu këndoi këngë folklorike të përcjella me çifteli.
Programet artistike të shfaqura nga nxënësit në mërgatë e ndihmojnë ruajtjen e traditave, zakoneve, gjuhës si pjesë të ruajtjes së identitetit kombëtar, Andaj, kërkohet përkrahje e të gjithëve.