Mbyllet rruga ballkanike për refugjatët

© KEYSTONE

Nga mesnata nuk do të pranojnë më shumë refugjatë qendrat e emigrantëve të pritjes në Gjevgjeli, në kufirin Maqedoni-Greqi, raportojnë mediat në Shkup.

Kjo është për shkak të vendimit të Sllovenisë, Serbisë dhe Kroacisë për të mos pranuar më shumë refugjatë pa viza të vlefshme dhe pasaporta, në bazë të vendimit për të zbatuar një regjim të ri në zonën e Shengenit, që praktikisht ka mbyllur rrugën ballkanike.

Në kampin Tabanoc tani banojnë 1,050 persona dhe me ata të zonës kufitare, numri i përgjithshëm i refugjatëve shkon në 1.500 njerëz.

UNHCR tha se nuk ka probleme me ushqim, batanije, por me kushte shumë të vështira, refugjatët janë të vendosur jashtë, në shi dhe në të ftohtë.

Ministri i Jashtëm i Maqedonisë, Nikolla Poposki, tha se kanë aplikuar disa masa për refugjatët dhe emigrantët që do të harmonizohen me ato të BE-së dhe do të zbatohet në mënyrë reciproke në kufirin jugor dhe verior të Maqedonisë.

Që nga fillimi i vitit nëpër territorin e Maqedonisë kanë kaluar mbi 50 mijë emigrantë. Ata me trena specialë barten nga kufiri me Greqinë drejt atij me Serbinë, prej nga vazhdojnë rrugëtimin drejt destinacionit të fundit, shtetet e Bashkimit Evropian.