Mentor Ejupi-Toro, ekspozitë kushtuar Nënë Terezës në Hamburg

Ekspozita e pritshme në Hamburg e artistit shqiptar të njohur me emrin artistik Toro ka një domethënie të madhe sepse i dedikohet Nënë Terezës, e cila kudo fali shpirtin e saj për të ndihmuar të varfrit dhe kurrë nuk e harroi atdheun e saj, Shqipërinë

Këtë të premte, më 08.04.2016 në Hamburg të Gjermanisë ku jeton dhe vepron prej viteshartisti shqiptar Mentor A.Ejupi Toro, hapet ekspozita personale me  titullin:  „The Year of The White Spirit“ (Viti i shpirtit të bardhë).

Kjo nuk është ekspozita e parë që artisti me emër në diasporë Mentor A. Ejupi hap në Evropë. Ekspozitat e tij janë të shumta dhe  gjithmonë kudo që është prezantuar, ka nderuar dhe ka përfaqësuar denjësisht atdheun e tij Shqipërinë dhe Kosovën. Gjithashtu për tu përmendur është projekti artistik „ Das Wasser Projekt“ (Projekti i ujit.) për të cilin kritiku i njohur i artit, Thomas R.Schulz u shpreh që artisti Mentor A. Ejupi mund të përfaqësojë artin e tij me krenari në gjithë botën, duke e vlerësuar nga talenti, domethënia dhe vlera artistike.

Pas këtij projekti një tjetër projekt gjigant prezanton artisti i lartpërmendur me titullin “iPad ART“ – Expozita e parë në Evropë, me piktura të realizuara në iPAD.

Ekspozita e pritshme në Hamburg e artistit shqiptar të njohur me emrin artistik Toro ka një domethënie të madhe sepse i dedikohet Nënë Terezës, e cila kudo fali shpirtin e saj për të ndihmuar të varfrit dhe kurrë nuk e harroi atdheun e saj, Shqipërinë. Artisti ynë lartëson veprën e saj me anë të penelit. Ai kombinon dhe ndërthur dy pikëpamje vizuale: atë të Nënë Terezës, të cilën bota mbarë e njeh dhe konkretisht në shaminë karakteristike të saj në ngjyrën bardhë dhe blu. Këndvështrimi tjetër është ashtu si autori e sheh edhe e ndjen figurën e Nënë Terezës.

Duke filluar nga Popart e deri tek abstraktja    

Artisti shprehet: “Unë pikturoj shumëllojshmërinë e personaliteti të saj. Unë pikturoj shpirtin e saj“.
Ekspozita në fjalë hapet për të gjithë vizitorët ditën e premte datë 08.04.2016 n♪ë orën 19:00 në Harburg të  Hamburgut të Gjermanisë, Lüneburger Strasse 4, 21073. Ajo do të qëndrojë e hapur deri më 10.04.2016.

(Gallery Mytoro)