Me drita të telefonave inspektuan stadiumet!

Infrastruktura sportive mbetet njëra nga pikat më të dobëta të futbollit kosovar. Kjo u dëshmua edhe në vizitën e delegacionit të FIFA-s dhe UEFA-s, që vizituan Kosovën, e veçanërisht dy stadiumet në Mitrovicë, “Adem Jashari” dhe “Riza Lushta” dhe stadiumin e Prishtinës, shkruan albinfo.ch.

Zyrtarët e sportit kosovar shfrytëzuan telefonat e mençur për t’iu bërë dritë, derisa edhe delegacioni i huaj ka dhënë vërejtjet se infrastruktura duhet përmirësuar, por ka marrë premtime nga Federata e Futbollit e Kosovës se kjo çështje do të rregullohet. Premtime kanë marrë edhe nga Qeveria e Kosovës. Kosova pritet të pranohet më 3 maj në UEFA, kurse dhjetë ditë më vonë në FIFA.