Vetëdorëzohet Azem Syla

Deputeti i Kuvendit të Kosovës nga radhët e PDK-së, Azem Syla është i dyshuar për krim të organizuar dhe shpëlarje parash

Pasi ka mbajtur në tension opinionin kosovar për disa ditë, Azem Syla është vetëdorëzuar sot rreth orës 11 në Polici, gjegjësisht në qendrën e ndalimit në Prishtinë.

Syla është sjellë nga Policia Kufitare, kurse është shoqëruar vetëm nga një polic.

I dyshuari për krim të organizuar pritet që të japë deklaratë para prokurorit dhe më pas të dërgohet në Gjykatë, për të caktuar masë sigurie për të, njnetofton koha.

Avokati Tomë Gashi ka konfirmuar se i kërkuari nga EULEX-i dhe Policia e Kosovës, Azem Syla është në Kosovë.

Gashi ka bërë të ditur se tash për tash nuk e di se ku do të dërgohet Syla, sipas tij ndoshta në Prokurori, pasi s’ka urdhër arrest për ta dërguar në Gjykatë.

“Ai është këtu dhe do të presim tash për të pa se ku do të dërgohet, ndoshta në Prokurori, e jo Gjykatë sepse unë s’kam asnjë urdhër arrest për të”, ka thënë Gashi raporton KTV.

Deputeti i Kuvendit të Kosovës nga radhët e PDK-së, Azem Syla është i dyshuar për krim të organizuar dhe shpëlarje parash.