Mobilizohen 60 policë për të kapur 4 shqiptarë

Pas një sulmi në Mont-sur-Rolle të premten, një depozitiv i gjerë është dërguar në ajër dhe në tokë për të kapur katër banditë kosovarë, njofton albinfo.ch.

Policia kantonale e Vaud-it ka arritur të arrestojë autorët e një vjedhjeje të kryer të premten në Mont-sur-Rolle. Falë një operacioni të gjerë, tre banditët janë arrestuar të njëjtën ditë, ndërsa i katërti është kapur të nesërmen.

Hulumtimet janë kryer në bashkëpunim të veçantë me Trupat e Gardës Kufitare (CGFR) si dhe me Xhandarmërinë e  Ain-ës (Francë), bëri të ditur të dielën policia kantonale e Vaud-it. Të katër banditët kishin sulmuar të premten, rreth orës 16:30, një shtetase ruse në shtëpinë e saj. Ata e kanë neutralizuar atë për të kërkuar gjithandej gjësende me vlerë në gjithë shtëpinë e saj.

Viktima, megjithatë, ka arritur të lirojë veten e saj dhe të njoftojë policinë. Edhe pse e tronditur, ajo nuk është lënduar. Autorët menjëherë kanë nxituar për t’u larguar nga shtëpia me një furgon. Një despozitiv i madh policor ka mundësuar arrestimin e tre autorëve në Chavannes-de-Bogis, në parkingun e qendrës, si dhe në një pyll aty pranë.

Operacioni franko-zviceran

Dy helikopterë të policisë kufitare si dhe policia kantonale  e Vaud-it kanë kryer bashkë kërkimet në terren. Duhet rikujtuar, njofton albinfo.ch, se operacioni i koordinuar franko-zviceran është bërë në kuadër të Marrëveshjeve së Parisit. Kjo marrëveshje ka mundësuar disponueshmërinë e shpejtë të burimeve të konsiderueshme në tokë dhe në ajër.
Gjithsej janë afro gjashtëdhjetë personel dogane dhe policë franko-zviceranë që janë mobilizuar për këtë operacion. Hetimet e kryera nga hetuesit e Policisë së Vaud-it  kanë mundësuar një ditë më pas arrestimin e personit të katërt.

Katër banditët, të cilët janë në paraburgim, janë qytetarë të Kosovës, të moshës mes 24 dhe 37 vjet. Dy prej tyre janë të bazuar në rajonin e Liqenit të Gjenevës dhe dy të tjerë janë në situatë të parregullt. Sendet e ndryshme të vjedhura në shtëpinë e viktimës janë gjetur në makinën e tyre. Pistoleta e përdorur kundër viktimës është gjetur në rrugicën, prej së cilës mundoheshin të ikin.