Edhe Norvegjia e shqetësuar për Kosovën: Ia ka frikën Celinës

Edhe Norvegjia si Zvicra kanë shprehur shqetësimet e tyre për pranimin e Kosovës, pasi disa futbollistë kosovarë mund të injorojnë këto vende për të zgjedhur për Kosovën, shkruan albinfo.ch.

Kështu ka deklaruar udhëheqësi i kësaj federate, Terje Svendsen. “Megjithatë, tani jemi të shqetësuar për lojtarët e shumtë që kanë prejardhje nga Kosova”, deklaroi Svendsen pas votimit, transmeton lajmi.net.

Shqetësimi i Svendsen vjen pas rastit më të fundit, ku Bersant Celina, që cilësohet si një nga lojtarët më të talentuar norvegjez e që luan për Manchester Cityn, ka zgjedhur Kosovën para Norvegjisë.

Përveç Celinës, Norvegjia ka edhe disa talentë kosovarë, duke përfshirë vëllezërit Valon e Veton Berisha.