Shfaqet filmi për ndihmë gjatë vdekjes

Të enjten në mbrëmje, Televizioni shtetëror zviceran SF do të emetojë një film dokumentar, i cili rrëfen për një person në depression, që ka shfaqur dëshirën për të vdekur me ndihmën e Organizatës për ndihmë gjatë vdekjes “Exit”. André Rieder, 56-vjeçar, ka qenë një person i shëndoshë si ariu dhe ai qëndron para varrit të prindërve të tij. Në mënyrë akribike, para kamerave televizive, ai tregon se si duhet të qëndrojë emri i tij në gurin e varrit.

“Për mua është me rëndësi që e gjithë kjo të përfundojë”, kishte deklaruar ai dhe një muaj më vonë, ai vdes. Kështu fillon filmi dokumentar i regjisorit Hanspeter Bänis (54), i cili do të fillojë në ora 20.05m, në SF. Është ky një rrëfim i një personi depresiv, i cili ka shfaqur dëshirën për të vdekur. Më 1 dhjetor të vitit të kaluar, André Rieder ia merr vetes jetën me ndiihmën e “Exit”. Ajo që është bizare në këtë rrëfim, është fakti se personi nuk ka qenë i sëmurë për vdekje. Në shikim të parë, ai duket stabil, bile në film ai ndonjëherë edhe qeshet. Në fillim të viteve të ’90-ta, ai kishte qëndruar shpeshëherë nëpër klinika të ndryshme.

Mjeku homoseksual u dëbua nga banesa e tij dhe që nga atëherë, ai jetonte te një mikeshë e tij. Filmi tregon se si André Rieder e ka përgatitur vdekjen e tij, deri në minutën e fundit të jetës. Në mars të vitit të kaluar, ai ishte paraqitur te “Exit”, e cila pas negociatave disamuajshe, e miratoi vendimin që ta shoqërojë deri në vdekje, në muajin nëntor. Më pas, ai do të vizitojë të gjithë miqtë e tij për herë të fundit dhe atyre u blen dymbëdhjetë qirinj si dhuratë.

Në film paraqiten disa skena tronditëse të ndarjes, me ç‘rast nuk mumgojnë lot. Por, vetëm mjeku qëndron i qetë. Sidomos tronditëse është vizita e tij që i kishte bërë shout të nagjistarit Peter Marvey (38) në Zürich, duke ia shtërnguar dorën dhe duke e uruar. Vdekjen e tij më 1 dhjetor, Rider e kishte planifikuar deri në detajin e fundit. Ai, me miqtë më të mirë shkon në restorant për tu ushqyer për herë të fundit, e më pas e viziton një ekspozitë të Pikasos në Zürich.

Regjisori Hanspeter Bäni, shpeshëherë ishte munduar që ta bindë ate të heqë dorë nga ky vendim, por kot. Natën e 1 dhjetorit, në ora 18.00, André Rieder kishte shkuar në lokalet e “Exit”. Atje, ai merr një koktej për gjumë duke u ankuar se kishte qenë pak i hidhur. Por, muzika korale që ai e kishte zgjedhur, e qetësoi në masë të madhe. Kjo do të ishte përmbajtja e filmit dokumentar, i cili ka shkaktuar reagime të shumta në opinionin zviceran, nëse një film i tillë duhet të emetohet apo jo.