Federata e Futbollit të Zvicrës: Shaqiri & Co nuk mund të luajnë për Kosovën

Futbollistët me origjinë nga Kosova që luajnë me Përfaqësuesen e Zvicrës nuk mund të luajnë për vendin e tyre pas pranimit në FIFA.

Kështu thonë në Federatën e Futbollit të Zvicrës.

Nëpërmjet një komunikatë për media  thuhet se në Kongresin e FIFA-s nuk është përmendur si temë që futbollistët kosovarë mund të ikin nga Zvira për t‘iu bashkuar kombëtares së prindërve të tyre.

“Ata nuk ishin fare temë në Kongresin e FIFA-s. Për këtë arsye ne Supozojmë se lojtarët me shtetësi të Zvicrës apo të Kosovës, të cilët janë angazhuar në ndeshje zyrtare me kombëtaren tonë, në asnjë mënyrë ata nuk duhet të luajnë për Kosovën”, ka thënë kryetari i Federatës së Futbollit të Zvicrës, Peter Gilleron.

Ndërsa drejtori i Departamentit Ligjor, Robert Breiter ka thënë se rregulloret e brendshme nuk e përjashtojnë një mundësi të tillë dhe se për këtë do të duhet të pyetet FIFA.

“Në rast se një lojtar dëshiron të ndryshojë kombëtaren, këtë e vlerëson Komisioni Kompetent i FIFA’s dhe merr një vendim, por pavarësisht kësaj, nuk ka indikacione se ndonjë futbollit dëshiron të largohet apo dëshiron të ndryshojë kombëtare”, tha Breiter

Pas pranimit në FIFA të kombëtares kosovare si anëtare e 210-të, mediat zvicerane kanë shprehur shqetësimin për ikjen e futbollistëve nga Zvicra.