Kosova pret shortin për Botëror

Kosova më 13 maj u bë anëtare e FIFA-s, derisa dhjetë ditë më parë u pranua edhe në UEFA

Pranimi i Kosovës në FIFA i ka hapur derën Përfaqësueses së Kosovës në futboll që të marrë pjesë në kualifikimet për Kampionatin Botëror “Rusia 2018”, shkruan albinfo.ch.

Por, ende nuk dihet se në cilin grup do të jetë Kosova. Deri në mbledhjen e UEFA-s një gjë është e sigurt, që Kosova do të jetë në njërin nga grupet I ose H, pasi në ndryshim nga grupet e tjera këta janë të vetmit me nga 5 ekipe.

Nëse Kosova do të vendosej në grupin H, atëherë do t’i luante eliminatoret kundër Belgjikës, Bosnjës, Greqisë, Estonisë dhe Qipros. Ndërsa në grupin I janë këto ekipe: Kroacia, Islanda, Ukraina, Turqia dhe Finlanda. Në FIFA u pranuar edhe Gjibraltari.