Evakuohen 13 shtetas kosovarë nga Libia

MPJ-ja ka njoftuar familjarët se këta shtetas gjenden në Stamboll dhe se Ambasada e Kosovës ka siguruar akomodimin e tyre

Ministria e Punëve të Jashtme (MPJ) ka njoftuar se sot kanë arritur në Stamboll dhe 13 shtetas të Kosovë dhe një shtetas i Shqipërisë, të cilët janë evakuuar nga Libia me aeroplanët e Turqisë.　

Sipas informatave të Ambasadës së Kosovës në Turqi, MPJ-ja ka njoftuar familjarët se këta shtetas gjenden në Stamboll në gjendje të mirë dhe deri në nisjen e tyre për Prishtinë,  Ambasada e Kosovës ka siguruar akomodimin e tyre.

Sipas MPJ-së, tashmë në Stamboll kanë arritur këta persona dhe nesër në mesditë do të mbërrijnë në Kosovë.

Po ashtu MPJ-ja njofton se nga 61 shtetasit kosovarë të evidentuar në Libi, 24 prej tyre janë evakuuar, ndërkohë që pjesa tjetër pritet të evakuohen në vazhdimësi.

.