Shqipëria bind në miqësoren me Katarin

Kuqezinjtë mundën Katarin 3:1, duke dëshmuar se janë në formë të mirë para Kampionatin Evropian “Francë 2016”

Shqipëria e mundi Katarin 3:1 në miqësoren e zhvilluar në Austri, ku djelmoshat kuqezi treguan një paraqitje mjaft të mirë dhe treguan se janë të gatshëm për Kampionatin Evropian, shkruan albinfo.ch.

Përzgjedhësi i Shqipërisë, Gianni De Biasi kishte rastin t’i testojë disa lojtarë para listës finale për Evropian. Shqipëria u befasua kur Katari shënoi që në minutën e parë, por reagimi i kuqezinjve ishte i menjëhershëm dhe pjesën e parë e përfundojnë në të mirë të tyre 2:1 me golat e Arlind Ajetit dhe Ermir Lenjanit.

Në pjesën e dytë, De Biasi bëri shumë ndërrime, duke i dhënë hapësirë edhe të tjerëve, derisa i inkuadruar në pjesën e dytë, Armando Sadiku shënoi një super gol për fitoren 3:1.

Testi i radhës për Shqipërinë do të jetë në Bergamo të Italisë përballë Ukrainës.