Dorëzohet në Gjykatën Kushtetuese ankimimi për Pacollin

LDK dhe AAK dyshojnë në mënyrën se si është zgjedhur presidenti, prandaj kërkojnë interpretim ligjor nga Gjykata Kushtetuese

Dy partitë opozitare – LDK dhe AAK e dorëzuan sot ankimimin në Gjykatën Kushtetuese për e procedurën e zgjedhjes së presidentit Begjet Pacolli, në mbledhjen e jashtëzakonshme të Kuvendit, të martën e kaluar.

Deputetja e LDK-së, Vjosa Osmani, dorëzoi në gjykatë këtë lëndë, duke thënë se LDK dhe AAK dyshojnë në mënyrën se si është zgjedhur presidenti, prandaj kërkojnë interpretim ligjor nga Gjykata Kushtetuese.

Në këtë ankimim, sipas saj, nuk përfshihet edhe argumenti tjetër – votimit të Qeverisë së re nga ana e Pacollit si president i Kosovës, ndërsa kjo do të jetë pikë e veçantë që do të dorëzohet në Gjykatën Kushtetuese.

Partia e tretë opozitare, Lëvizja Vetëvendosje është e përmbajtur në ankimin dhe iu bashkua LDK-së dhe AAK-së.