EULEX-i me ekip të posaçëm hetimi për akuzat e Martyt

Shefi i misionit evropian të sundimit të ligjit në Kosovë, EULEX, Xavier Bout de Marnhac ka thënë të martën para Nënkomitetit për siguri dhe mbrojtje të Parlamentit Evropian se EULEX-i është në gjendje të zbatojë hetim adekuat rreth pohime të Dick Martyt rreth tregtisë me organe njerëzore në Kosovë dhe Shqipëri në vitin 1999.

Sipas tij, tash për tash, nuk ka probleme me drejtësinë kosovare, me atë shqiptare dhe serbe gjatë hetimit të rastit, duke pohuar se EULEX-i është duke i kushtuar vëmendje të madhe raportit të Martyt, raportojnë sot mediat serbe.

Marnhac ka thënë formalisht ende nuk është vendosur se në çfarë mënyre do të merret EULEX-i me akuzat e theksuara në raportin e Martyt, por është marr vesh me prokurorët për formimin e një ekipi të posaçëm të prokurorëve dhe hetuesve që do të merren me këtë çështje.

“Me fol strikt me fjalor juridik, prokurorët e EULEX-it e kanë pranuar hetimin të raportit të Martyt, ngase vlerësojnë se kanë prova të mjaftueshme, apo pohime të mjaftueshme dhe serioze”, ka thënë Marnhac gjatë paraqitjes në Parlamentin Evropian.

Shefi i EULEX-it ka thënë se, pas publikimit të raportit, një prokuror dhe ai i janë drejtuar Martyt, duke kërkuar prova nga ai.