Xhaka, pasuesi numër 1 i Evropianit 2016!

Xhaka është shpallur edhe dy herë futbollisti i ndeshjes në takimet Zvicër-Shqipëri dhe Zvicër-Rumani. Në dy ndeshjet e deritashme ai ka dhënë jo më pak se 218 pasime të sakta, më shumë se çdo futbollist tjetër që po luan në garën e madhe në Francë

KEYSTONE

Granit Xhaka më i mirë se të gjithë. Po, së paku sa  përket pasimeve në “Euro 2016”. Në dy ndeshjet kundër Shqipërisë dhe Rumanisë, ka dhënë jo më pak se 218 pasime të sakta, më shumë se çdo futbollist tjetër që po luan në garën e madhe në Francë, shkruan e përditshmja zvicerane “Blick”, përcjell albinfo.ch.

Atij i afrohet vetëm mesfushori i Gjermanisë, Toni Kroos. Futbollisti i Real Madridit ka 215 pasime, pra tri më pak. Xhaka renditet i pari, Kroos i dyti, kurse N’Golo Kante i Francës është i treti me 178 pasime.

Xhaka është shpallur edhe dy herë futbollisti i ndeshjes në takimet Zvicër-Shqipëri dhe Zvicër-Rumani, duke treguar se shuma prej 45 milionë eurove që pagoi Arsenali, nuk është e rastësishme.

Por, testi i vërtet do të jetë ndaj Francës, ku edhe mesfushori Dimitri Payet është shpallur dy herë futbollisti i ndeshje, dhe ka shënuar dy gola në minutat e fundit.