Behrami shqyen topin, shqyhen fanellat e lojtarëve

Topin e shpërtheu futbollisti shqiptar Valon Behrami, gjatë një dueli me Antoine Griezmann. Kjo ishte hera e parë që ndodhte në këtë Evropian dhe sigurisht se nuk ndodh shpesh

Diçka e pazakontë ka ndodhur në ndeshjen ndërmjet Zvicrës dhe Francës. Derisa po flitet për teknologji në futboll, topi është shpërthyer, shkruan albinfo.ch.

E, topin e shpërtheu futbollisti shqiptar Valon Behrami, gjatë një dueli me Antoine Griezmann. Kjo ishte hera e parë që ndodhte në këtë Evropian dhe sigurisht se nuk ndodh shpesh.

Por, edhe fanellat e disa lojtarëve të Zvicrës janë shqyer si ajo e Granit Xhakës dhe Admir Mehmedit, edhe pse ndeshja nuk ka qenë e vrazhdë.

Legjenda e Anglisë, Gary Lineker ka komentuar kështu: “Mendoj se fanellat e Zvicrës ishin nga letra. Ju keni një top të shqyer të Adidasit dhe fanella të shqyera të Pumas. Kjo tregon për efikasitetin gjerman”, ka thënë analisti i BBC.

https://www.youtube.com/watch?v=N2cyx2LgkyA