Motivimi i kombëtares nga De Biasi

Në një material prej 3 minutash sjell momentet më të vështira të historisë së Shqipërisë, që nga shpallja e Pavarësisë më 1912 deri në Pavarësinë e Kosovës. Aty përfshihen edhe largimet e shqiptarëve në 1991 drejt Italisë, mbytja e anijes në Otranto në 1997, trazirat e atij marsi dhe lufta e UÇK-së në Kosovë me heroin kombëtar Adem Jashari

Trajneri italian  i kombëtares shqiptare, Gianni De Biasi njihet si një trajner që i motivon shumë lojtarët. Kështu ndodhi edhe në sfidën e fundit me Rumaninë, duke u shprehur se lojtarët të luajnë për kombin e tyre, derisa pas ndeshjes ishte shumë i lumtur me fitoren, por edhe për popullin shqiptar, që meritoi një fitore të tillë, shkruan albinfo.ch.

Një video në të cilën e ka publikuar në “Facebook” ka marrë shumë pëlqime, derisa nuk është sqaruar nga ai nëse kjo video iu është lëshuar para ndeshjes apo jo. Një gjë të tillë nuk e kanë pohuar e as mohuar. Por, sigurisht se kjo video është pëlqyer shumë nga tifozët shqiptarë.

Në një material prej 3 minutash i cili fillon me fjalët “kështu na kanë trajtuar” sjell momentet më të vështira të historisë së Shqipërisë, që nga shpallja e Pavarësisë më 1912 deri në Pavarësinë e Kosovës.

Aty përfshihen edhe largimet e shqiptarëve në 1991 drejt Italisë, mbytja e anijes në Otranto në 1997, trazirat e atij marsi dhe lufta e UÇK-së në Kosovë me heroin kombëtar Adem Jashari.

Në fund vijnë edhe momentet më të mira për shqiptarët, fitorja historike e 2004 me Greqinë e saposhpallur kampione Evrope dhe kualifikimi i Shqipërisë për në Kampionatin Evropian.

“Falë jush Evropa na shikon të barabartë”, janë fjalët që mbyllin videon.