Hendbollistja shqiptare që po shkëlqen në Evropë

Familja e saj janë nga Istogu, kurse Leonora Demaj ka lindur në Kopenhagë në vitin 1997

Në ambientet e Federatës së Hendbollit të Kosovës presidenti i FHK-së Eugen Saraçini priti hendbollisten tani me emër edhe në hendbollin e Danimarkës, talenten 19-të vjeçare Leonora Demaj, anëtare e skuadrës NFH – Nykobing Falster, shkruan albinfo.ch.

Saraçini i dëshiroi mirëseardhje dhe falënderoj për këtë vizitë duke e cilësuar si ambasadore te Kosovës, e cila me shumë sukses po e përfaqëson Kosovën në arenën ndërkombëtare. Duke shpresuar që Leonora të jetë pjesë e Përfaqësueses së Kosovës në ndeshjet kualifikuese për Botërorin 2017 që mbahen në muajin tetor dhe nëntor.

Hendbollistja Leonora Demaj i falënderoi për pritjen e organizuar dhe tha se Kosovën e ka në zemër, pasi ajo është nga Kosova sepse prindërit i kanë lindur këtu, por kjo varet edhe prej shumë rrethanave tjera te cilat ndikojnë në zhvillimin e saj si hendbolliste cilësore.

Duhet theksuar se Leonora është lojtarja më e re në skuadrën daneze, dhe sipas ekspertëve te hendbollit evropianë ka perspektiv të ndritur.

Familja e saj janë nga Istogu, kurse Leonora Demaj ka lindur në Kopenhagë në vitin 1997, është e gjatë 178 cm dhe luan në pozitën e bekut dhe qendrës.