Prezantohet Aliji, përshëndet Baselin

22-vjeçari largohet kështu nga Baseli, skuadër me të cilën luajti 53 ndeshje në kampionat, Ligën e Kampionëve dhe Ligën e Evropës për të shkuar në një ekip ku të luajë si titullar

Mbrojtësi i majtë i Kombëtares shqiptare, Naser Aliji edhe zyrtarisht është prezantuar në skuadrën e Kaiserslauternit, që garon në Bundesliga 2 të Gjermanisë, shkruan albinfo.ch.

Mbrojtësi kuqezi u prezantua pasditen e të premtes si blerja më e re e skuadrës së Kaiserslauternit, aty ku vite më parë ka luajtur edhe Igli Tare.

22-vjeçari largohet kështu nga Baseli, skuadër me të cilën luajti 53 ndeshje në kampionat, Ligën e Kampionëve dhe Ligën e Evropës për të shkuar në një ekip ku të luajë si titullar.

Aliji konsiderohej para disa vitesh si e ardhmja e kombëtares zvicerane, por pavarësisht se u aktivizua në të gjitha ekipet e moshave helvetike, ai zgjodhi të luajë me kombëtaren shqiptare.

Pas kalimit në skuadrën gjermane ka falënderuar tifozët e Baselit. “Të dashur tifozë. Transferimi te Kaiserslautern u realizua. Tani do të jem në Bundesligën 2, te një ekip i traditës. Po pres me padurim sfidën e re me ‘djajtë e kuq’ në këtë stadium të madh. Por unë do të kujtoj gjithmonë kohën e paharrueshme të Baseli: titujt kampion, Ligën e Kampionëve, Ligën e Evropës. I falënderoj nga zemra të gjithë shokët e skuadrës, stafin, bordin dhe tifozët e shkëlqyer të Bazslit”, ka shkruar Aliji në “Facebook”.