Feja
Shqiptarët e Zvicrës festojnë Fitër Bajramin
Disa qindra besimtarë, të të gjitha moshave kanë qenë sot qysh para orës 6 të mëngjesit, për të falur fillimisht sabahun e pastaj për të bërë edhe ceremoninë festive të faljes së Namazit të Fitër Bajramit
Si kudo ndër besimtarët myslimanë, festa e Fitër Bajramit u shënua sot edhe në xhaminë e Qendrës Kulturore Shqiptare Islame në Winterthur -Töss.
Disa qindra besimtarë, të të gjitha moshave kanë qenë sot qysh para orës 6 të mëngjesit, për të falur fillimisht sabahun e pastaj për të bërë edhe ceremoninë festive të faljes së Namazit të Fitër Bajramit.
Imami mysafir, i cili ka bërë shërbimet fetare gjatë muajit të Ramazanit, Islam Rexhepi, e ka hapur ceremoninë, duke falënderuar besimtarët për besimin e ofruar dhe duke folur po ashtu për vlerat e agjërimit të Ramazanit.
Ndërsa imami i përhershëm i kësaj xhamie, Ismajl Alili ka vazhduar më gjerësisht duke bërë shkoqitjen e rëndësisë së Festës së Fitër Bajramit si kurorëzim i muajit të Ramazanit. Ai është ndalur në lidhjen që besimtarët, veçanërisht ata që agjërojnë, e krijojnë mes vete, për fisnikërimin që e sjell te njerëzit sakrifica e përbashkët gjatë Ramazanit etj. Kjo lidhje te besimtarët e sinqertë është aq e fuqishme sa që ata ndahen me dhimbje nga Ramazani, i cili ua ka forcuar përbashkësinë, ka thënë veç tjerash iammi Alili.
Fitër Bajrami është festa që festohet pas mbarimit të muajit të Ramazanit. Emri Fitër Bajram vjen nga ajo se myslimanët para ditës së bajramit shpërndajnë lëmoshë (Vitra, siç njihen në traditën piopullore) solidarizohen me të varfrit, kështu për ta festuar së bashku këtë festë.
Festa e Bajramit manifestohet duke falur namazin e Bajramit.
Namazi i Bajramit është vaxhib për çdo mysliman. Muhammedi i ka kushtuar rëndësi të veçantë duke i urdhëruar myslimanët që të falin këtë namaz.
Koha e namazit të Bajramit fillon me ngritjen e Diellit nga horizonti sa një shtizë, derisa të arrijë në zenit.
Albinfo.ch më vonë do të publikojë një fotoreportazh të gjerë nga falja e Fiter Bajramit në Winterthur.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Bllokime të reja trafiku përpara tunelit Gotthard Trafiku është bllokuar sërish këtë të diel në autostradën A2, përballë tunelit të rrugës Gotthard. Rreth...
-
Zvicra vendosi të ndajë të dhënat e pasagjerëve të fluturimit me policinë
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?