Ajeti debuton me fitore

Arlind Ajeti luajti tërë pjesën e parë, ku pastaj u zëvendësua në fillim të pjesës së dytë

Mbrojtësi i Kombëtares shqiptare, Arlind Ajeti ka debutuar me fitore me skuadrën e tij të re Torino, shkruan albinfo.ch.

Torino mposhti me rezultat të thellë 13:0 skuadrën tjetër nga Italia, Olimpic Morbegno. Arlindi luajti tërë pjesën e parë, ku pastaj u zëvendësua në fillim të pjesës së dytë. Të gjitha golat për skuadrën e Torinos i shënuan këta futbollistë: Martinez, Belotti (3), Acquah, Barreca (2), Bovo, Baselli, Lopez (3) dhe Boye.

Kujtojmë që mbrojtësi i Kombëtares shqiptare edicionin e kaluar luajti për Frosinonen, duke pasur paraqitje shumë të mira, derisa shkëlqeu edhe në Kampionatin Evropian me Shqipërinë.

Ai u kërkuar nga disa skuadra, derisa ishte afër Lazios, megjithatë vendosi në Torino, duke nënshkruar kontratë 3-vjeçare me mundësi vazhdimi për dy tjera.