Një serb në Kosovë arrestohet për krime lufte

Policia e Kosovës dhe njësia e EULEX-i për krime të luftës kanë arrestuar sot një person lidhur me një hetim për krime të luftës

Burime të Telegrafit njoftojnë se i arrestuari në fjalë është një serb nga fshati Dobratin i Lipjanit. Bëhet e ditur se i arrestuari, që dyshohet për krime lufte është Zoran Koliq. Mësohet se ia ka punuar në Burgun e Lipjanit gjatë luftës në Kosovë.

Akuzat kanë të bëjnë me vrasje dhe trajtim çnjerëzor të civilëve në Kosovë në maj të vitit 1999.

Operacioni i këtij mëngjesi është kryer me ndihmën e njësitit special operativ të Policisë së Kosovës. Si pjesë e këtij hetimi është bastisur një shtëpi në Lipjan. Operacioni është autorizuar nga një gjyqtar i EULEX-it i procedurës paraprake i Gjykatës së Qarkut në Prishtinë.

Hetimi është nën mbikëqyrjen e një Prokurori Special të Kosovës nga Zyra e Prokurorisë Speciale”, thuhet në njoftim të përbashkët të Policisë së Kosovës dhe EULEX-it.