Tarashaj realizon ëndrrën

“Fillon stinori i ri me skuadrën time Everton. Ëndrra ime për të luajtur në Ligën Premier është bërë realitet”, ka shkruar Tarashaj në “Facebook”

Sulmuesi i talentuar kosovar, Shani Tarashaj ka filluar aventurën e tij të re në skuadrën angleze Everton, shkruan albinfo.ch.

Sulmuesi prizrenas iu bashkua Evertonit nga Grasshopper për katër milionë euro pas formës fantastike që tregoi në elitën e futbollit zviceran. Ai ka filluar stërvitjet me Evertonin për edicionin e ri në Premierligë dhe me këtë ka realizuar ëndrrën e tij.

“Fillon stinori i ri me skuadrën time Everton. Ëndrra ime për të luajtur në Ligën Premier është bërë realitet”, ka shkruar Tarashaj në “Facebook”.

Tarashaj është pjesë e Përfaqësueses së Zvicrës, ndërsa ishte edhe në kampionatin evropian me helvetikët, ku luajti disa minuta. 20-vjeçari llogaritët si e ardhmja e klubit nga zyrtarët e Evertonit.