Kasami zyrtarisht në Nottingham Forest

Pajtim Kasami, i cili më parë ka luajtur edhe në Fulham, tani do të garojë në Championship te skuadra e Nottingham Forest

Mesfushori shqiptar Pajtim Kasami ka nënshkruar për skuadrën angleze, Nottingham Forest, shkruan albinfo.ch.

Klubi anglez ka njoftuar se ka arritur marrëveshje me skuadrën greke Olympiacos që përfaqësuesi i Zvicrës të jetë pjesë e klubit në formë huazimi.

Kasami, që më parë ka luajtur edhe në Fulham, tani do të garojë në Championship. Ai befasisht nuk ishte ftuar në Kampionatin Evropian nga Vladimir Petkoviq edhe pse fitoi titullin në Greqi, madje në kohë rekorde.

Kasami ka luajtur edhe në Itali me skuadrën e Palermos, duke pasur paraqitje shumë të mira.