Kosova, e nënta në botë

79 shtete janë që kanë marrë pjesë në Lojërat Olimpike deri më tani, por nuk kanë fituar medalje. Kosova tashmë kalon edhe shtetet ballkanike si Bosnjën, Malin e Zi, Maqedoninë dhe Shqipërinë

Kosova renditet në vendin e nëntë në renditjen e shteteve që kanë arritur të fitojnë medalje në Lojërat Olimpike të Rios, pas ditës së shtunë, shkruan albinfo.ch.

Medalja e artë e fituar nga Majlinda Kelmendi, ka bërë që Kosova të renditet e nënta. Kosova mbetet pas shteteve të mëdha të botës, si Australia, Kina, Koreja e Jugut, Hungaria, SHBA, Rusia dhe Japonia.

Kjo është medalja e parë e Kosovës në Lojërat Olimpik edhe vjen qysh në pjesëmarrjen e parë. Kujtojmë që Majlinda Kelmendi fitoi medaljen e artë në 52 kg në xhudo.

Kosova po merr pjesë në këtë Olimpiadë me tetë garues. 79 shtete janë që kanë marrë pjesë në Lojërat Olimpike deri më tani, por nuk kanë fituar medalje. Kosova tashmë kalon edhe shtetet ballkanike si Bosnjën, Malin e Zi, Maqedoninë dhe Shqipërinë.

Majlinda ka marrë pjesë në Lojërat Olimpike të kaluara në Londër, por ishte eliminuar në rrethin e dytë.