Kryetari i Prishtinës priti Dua Lipën

Dua Lipa u shpreh e lumtur që më fund iu dha rasti të performojë në Prishtinë dhe për këtë është mjaft e emocionuar. Ajo tha se koncerti do të mbahet edhe nëse moti do të jetë me shi dhe se kjo nuk do të jetë pengesë që t'i këndojë publikut në Prishtinë

Kryetari i Komunës së Prishtinës, Shpend Ahmeti, priti sot në takim këngëtaren e mirënjohur Dua Lipa.

Me këtë rast ai i uroi mirëseardhje asaj në Prishtinë dhe shprehu gëzimin e tij që Lipa do të mbajë koncertin nesër në Prishtinë. Ai e uroi atë për të arriturat dhe i dëshiroi sukses edhe në të ardhmen, thuhet në një njoftim nga Komuna e Prishtinës.

Nga ana e saj edhe Dua Lipa u shpreh e lumtur që më fund iu dha rasti të performojë në Prishtinë dhe për këtë është mjaft e emocionuar. Ajo tha se koncerti do të mbahet edhe nëse moti do të jetë me shi dhe se kjo nuk do të jetë pengesë për të që t’i këndojë publikut në Prishtinë.

Në fund, Kryetari, Shpend Ahmeti i dhuroi Dua Lipës një punim filigran të hartës së Kosovës, thuhet në fund të njoftimit.