Mungesë e grupit 0 Negativ të gjakut në Zvicër

Grupin 0 negativ të gjakut e kanë vetëm 6 për qind të popullatës. Bartësit e këtij grupi konsiderohen si dhurues universalë të gjakut për faktin se gjaku i tyre mund të bartet te të gjithë njerëzit

Grupi i gjakut 0 negativ është më i kërkuari dhe më i vështiri për t`u siguruar. Kjo dhe është arsyeja që rezervat nga ky grup gjaku në Zvicër aktualisht janë shumë të pakëta. «Blutspende SRK» e cila vepron në kuadër të Kryqit të Kuq të Zvicrës (SRK) është organizatë çati e enteve që merren me grumbullimin e gjakut të dhuruar.

Ajo është e shqetësuar nga kjo mungesë por thekson se gjendja megjithatë nuk është alarmante.

«Nuk mund të flitet për furnizim të mangët por më shumë për një situatë të tendosur», ka thënë për agjencinë e lajmeve SDA Alexander Bernhard, anëtar i udhëheqjes së Blutspende SRK.

Për mungesat e rezervave të këtij grupi të gjakut, më së pari ka raportuar gazeta frankofone e Zvicrës «La Liberte».

Grupin 0 negativ të gjakut e kanë vetëm 6 për qind të popullatës. Bartësit e këtij grupi konsiderohen si dhurues universalë të gjakut për faktin se gjaku i tyre mund të bartet te të gjithë njerëzit, gjegjësisht te bartësit e të gjitha grupeve të gjakut.