Shqiptari, kuzhinieri numër një në botë

Rene Rexhepi, shqiptar me prejardhje nga Tetova, në restorantin e tij në Kopenhagë ofron specialitete nordike

Restoranti “Noma”, pronë e yllit të gastronomisë, Rene Rexhepit, një shqiptari nga Danimarka, me prejardhje tetovare, është zgjedhur në krye të listës së 50 restoranteve më të mira në botë. Listën e ka bërë revista e specializuar britanike “Restaurant Magazine”.

Restoranti ndodhet në Kopenhagë dhe është i vendosur në një kantier të vjetër, të rinovuar të anijeve. Në këtë restorant shërbehen kryesisht specialitete nordike.

Siç shkruan blick.ch, ushqimet që ofron restoranti i shqiptarit Rexhepi janë të klasit superior dhe ato shërbehen në një atmosferë shumë të këndshme.

Mirëpo, vazhdon teksti, po të këtij niveli janë edhe çmimet. Për një darkë për dy persona, bashkë me verën është dashur të paguhen rreth 770 franga. E pra: gëzuar.