Bogdanoviq nxit serbët e veriut kundër Kosovës

I ashtuquajturi ministër i Serbisë për Kosovën Goran Bogdanoviq, po qëndron në Kosovë, përkatësisht në Zubin Potok, pa lejen e Qeverisë së Kosovës. Gjatë qëndrimit në Kosovë ai ka zhvilluar takim me të ashtuquajturin kryetar të Komunave serbe të veriut të Kosovës, Mitrovicës, Zveçanit, Leposaviqit dhe Zubin Potokut.

Bogdanoviq gjithashtu është takuar edhe me të ashtuquajturin kryetar të Qarkut të Mitrovicës Radenko Nedelkoviq, me shefin e MUP-it, të Serbisë Gjorgje Dragoviqin etj.

Ai me këtë rast ka kërkuar nga liderët në fjalë dhe nga strukturat e sigurisë së Serbisë në Kosovë që të shtojnë presionin ndaj institucioneve ndërkombëtare dhe vendore për pamundësimin e aktivitetit të tyre në veri.

Bogdanoviq ka kërkuar nga këto institucione të Serbisë që në asnjë mënyrë të mos lejojnë ztabimin e ligjit nga ana e policisë së Kosovës në veri si dhe mos të lejojnë punën e USAID-it　 dhe EULEX-it.