Kapen dy serbë me mbi 50 kg. marihuanë

Marihuana është gjetur në kamionin me regjistrim serb. Afërsisht në të njëjtën kohë, në Eiken Ag, afër vendit ku është ndaluar kamioni, ka ardhur edhe një makinë BMW nga Cyrihu. Shoferi po ashtu serb i makinës, besohet se ka qenë në lidhje me kamionin e ngarkuar me drogë

Një patrullë e rojeve kufitare ka ndaluar sot në Mumpf të Kantonit të Aargaut, në një segment të autostradës A3 në kufirin me Gjermaninë një trafikant të dyshuar serb të drogës. Ai, siç bën të ditur agjencia e lajmeve e Zvicrës, SDA, ka tentuar të fusë në Zvicër një sasi të madhe prej më shumë s e50 kilogramësh të drogës së tipit marihuanë.

Policia Kantonale ka arrestuar menjëherë korrierin e drogës.

Marihuana është gjetur në kamionin me regjistrim serb, transmeton albinfo.ch. Pothuaj në të njëjtën kohë, në Eiken Ag, afër vendit ku është ndaluar kamioni, ka ardhur edhe një makinë BMW nga Cyrihu. Shoferi po ashtu serb i makinës, besohet se ka qenë në lidhje me kamionin e ngarkuar me drogë. Edhe ai është arrestuar.

Dy të arrestuarit me dyshimin për tregti me drogë janë të moshave 29 dhe 51 vjeçare ndërsa nuk janë banorë të Zvicrës, përcjell albinfo.ch.

Prokuroria penale Rheinfelden-Laufenberg ka iniciuar hetimet ndaj të dyve.